In scriptis S. Thomae Aquinatis ubiquitas Dei « per potentiam, praesentiam et essentiam », ex antiqua traditione Christiana hausta, deprehenditur. Ex hac quaestione ubiquitatis Dei secundum doctrinam ...S. Thomae de causa efficienti tractanda colligi potest quod conceptio ubiquitatis « per potentiam, praesentiam et essentiam » cum systemate philosophico Doctoris Angelici cohaerentia caret. Eiusmodi divisio ubiquitatis non sine ratione est in iis systematibus, quae praesentiam Dei ad instar praesentiae hominis fingunt.
